&

Paketë librash në ofertë 1

0 Ratings

Klasikët Shqiptarë

Shto në Librari

RRETH LIBRIT

1 – Faik Konica

“Shqipëria si m’u duk”

Si një analizë e hollësishme shoqërore dhe psikologjike e shoqërisë shqiptare, vepra e Konicës bazohet në udhëtimin që bëri në Shqipëri më 1928-ën. Konsiderohet si vepër tërësisht dokumentare e argumentuar, ku nuk mungojnë ngjyrimet e satirës tipike koniciane.

 

 

2- Naim Frashëri

“Bagëti e bujqësi”

Me një frymë të thellë atdhedashurie dhe nota të theksuara lirike, poema i këndon Shqipërisë, me gjithë madhështinë, solemnitetin e dhimbjen, prej së largu – ndër veprat monumentale të letërsisë shqipe. Naim Frashëri (Frashër, 25 maj 1846 – Stamboll, 20 tetor 1900), poet e shkrimtar, është një nga përfaqësuesit më të shquar të Rilindjes Kombëtare.

 

 

3-Sami Frashëri 

“Shqipërija ç’ka qenë, ç’është dhe ç’do të bëhetë?”

Një nga veprat madhore të Rilindjes Kombëtare, njëherazi manifest politik e ideologjik i saj. U botua në Bukuresht më 1899, në prag të ngjarjeve të mëdha do të çonin në fitoren e pavarësisë. Gazetar e dramaturg, po edhe ideologu themelor i Rilindjes Kombëtare, së bashku me dy vëllezëri: Abdylin dhe Naimin.

 

 

4-Naim Frashëri

“Histori e Skënderbeut”

Heroi legjendar, luftëtari kreshnik dhe atdhetari i flaktë, që mbi gjithçka vë atdheun, edhe mbi interesin vetjak. Poema epike “Histori e Skënderbeut” u botua më 1898, dy vjet para vdekjes së autorit. Vepra mbeti si testament i Naimit, sepse në të përmblodhi dhe shprehu me patos të fuqishëm idealet për lirinë e Shqipërisë dhe rrugën drejt përparimit.

 

 

 5- Andon Zako Çajupi

“Baba Tomori”

Përmes vargjeve të kësaj lirike shoqërore, me ligjëratën poetike të së cilës zë fill periudha e re në letërsinë shqipe, ajo e realizmit, nis dhe shkëputja nga romantizmi (Rilindja). Poeti, dramaturgu, patrioti dhe veprimtari i Rilindjes Kombëtare, mbetet poeti i atdheut dhe i mërgimit, i dashurisë dhe rebelimit – poeti i shpirtit të lirë njerëzor.

 

 

  1. Migjeni (Millosh Gjergj Nikolla)

“Vargjet e lira”

Shpirti i ndjeshëm poetik, revolta e brendshme shprehur me nota të thella të një ironie vrasëse, Migjeni do të sillte një poezi rebele në Shqipërinë e varfër të kohës, për imoralitetin e absurdin, pa mëshirë… Poeti dhe prozatori i shquar shqiptar i viteve 1930. Për epokën ishte një zë krejtësisht novator nga brendia dhe forma, çka bëri të kishte ndikim të madh në letërsinë shqipe të kohës.

 

7-Ndre Mjeda

“Andrra e jetës”

“Jeta për të varfrit, mbetet një ëndërr e parealizuar”, – është mesazhi që ka dashur të përcjellë Mjeda. Poema në thelb është realiste, me një gjykim romantik, me personazhe të gjalla e tipike, me një logjikë të brendshme në përputhje me mjedisin ku jetojnë e veprojnë. Mjeshtër i formës dhe i tingëllimit në shqip, me një gjuhë të larme, shprehëse, të saktë e me fjalë të rralla, na ofron një nga veprat më të përsosura të poezisë sonë. Është cilësuar nga Jakov Milaj “nji ndër letrarët ma të mëdhaj qi ka qitun Shqipnija”.

 

 

Vlerësime

Mesatarja e vlersimeve të blerësve

0 Ratings
Bëju i pari që vlerëson “Paketë librash në ofertë 1”

Adresa juaj email s’do të bëhet publike.

Nuk ka vlerësimime.

SHPËRNDAJ KËTË LIBËR

Registration

Forgotten Password?