Shkrimtar irlandez i njohur si poet, eseist dhe mjeshtër i humorit. U botuan për herë të parë në vitin 1888 me serinë e parë “Princi i lumtur” dhe përralla të tjera, që shënuan edhe periudhën krijuese klasike të Uajldit.

Ndonëse mbështeten në traditën krijuese të paraardhësve të autorit, ato kanë origjinalitetin e tyre, sepse arrijnë të kumtojnë ngjarje të mëdha me një frymë krejt ndryshe në sendërgjimin e përrallës. Pasqyrojnë problemet madhore të shoqërisë viktoriane, përshkruajnë dallimet klasore, arrijnë të ngërthejnë kanunin etik biblik me vlerat e jetës njerëzore.